Patawad

Hindi ko alam kung paano ko gagawing tama ang lahat. Alam kong hindi ko naman kasalanan pero bakit ako pa rin ang hihingi ng tawad? Nakakapagod na ito, hindi ko mapigilan ang sarili ko pagdating sa'yo. Kung maari lang akong uminom ng gamot na pampalimot upang tuluyang mawala ka sa isip ko, gagawin ko iyon sapagkat patuloy akong nahihirapan. Patuloy na nagtitiis. Patuloy na naghihintay.

Patawad kahit di naman dapat ako humingi ng tawad. Patawad kasi ganito tayo ngayon.

Naaalala mo ba tuwing magkasama tayo? Lagi tayong masaya. Ngayon, ni simpleng kamustahan, hindi man lamang natin magawa. Ano ang nangyari?

Gusto kong mahagkan ulit ang dating ikaw. O baka naman, ikaw ngayon ay kung sino ka naman talaga at nabulag lang ako sa pinakita mong ikaw sa mahina kong puso.

Ayoko na. Patawad.